大熊本洋風料理 (已結業)

唱完K, 成家人o黎到食晚飯, 星期五非常多人, 嘈到連播放住o既音樂都聽唔到, 就算裝修點好都搞禍晒.每人嗌o的, 越叫越多. 有豬扒石頭鍋飯配鰻魚汁: 個鍋一直俾個保溫器罄住, 食o左大半個鐘仲出緊煙, o岩晒o的慢人王; 芝士火鍋: 個芝士汁實在太美味啦! 濃度適中, 非常有芝味, 要我成盤飲晒都肯, 配麵包一流. 臨到淨o番墊底時, o的芝士硬硬o地食最ichiban; 燒牛扒: 要7成熟, o黎到其實係全熟. 不過o的肥膏好甘香, 調得好好味, 好似我嗲d調o的咁. 可以唔點醬都得, 如果唔係會蓋過牛本身o既味; 甜蝦剌身: 非常鮮甜, 嗲d忍唔住要多客. 麻醬鮑魚雞絲冷麵: 料本身唔錯, 但用麻醬o黎點太立口, 最好多加一種沙律醬; 清酒: 相比我所過試的, 較為淡. 因為有coupon, 所以送多個雜錦壽司, 估唔到有成5大件咁多: 三文魚, 鰻魚, 蝦籽等, 賣相不俗, 幾新鮮.服務都幾好, 雖然客人多, 但佢o地依然不斷幫我o地添茶又剩.題外話, 入o黎之前, 見到有人o係出面俾人打, 起身成口同下巴都係血, 好似睇緊戲. 我講呢間係銅鑼灣o個間.