雋太日本料理 (已結業)

隔左成個冬天無放題過，今晚終於有人約放題了！四條友book左但都要係門口排隊。。。無計啦！可能天氣熱左又係放題旺季!排隊入坐後第一時間寫野食。頭轉一定係刺身啦！三文魚非常新鮮，甜蝦都好大隻，仲有希靈魚都好好味，帶子一般，可能因為太細粒無乜口感。點知食完啲刺身都飽飽哋啦～仲點左好多熟食添。。。熟食都等得幾耐，帆立貝同牛粒好味，廣島燒就唔識欣賞啦…可能因為已經好飽啦！燒三文魚壽司都ok,最後本來想留肚食雪糕，但真係太飽了，所以食左個啫喱就收工啦！食物種類好多，後感係今次戰略出錯，下次每款少少先，再試過!