雋太日本料理 (已結業)

想不到寫食評之時，餐廳已改名，但經營模式好像差不多，仍是日式放題。我平日較少吃放題和自助餐，因為眼闊肚窄，總是吃得很飽，總是有吃剩的。近年，日式放題餐廳在香港愈開愈多，而且食物款式、餐廳裝潢、服務質素都有著提升，放題價錢由一百多元至數百元不等。如果要做到在眾餐廳中突圍而出，當然各方面都需要具備良好的質素。今次和朋友吃放題，感覺不錯，食物美味，環境亦舒適。門外裝潢雖簡約，但進入餐廳內，感覺環境舒適，座位之間有空隙，燈光較為柔和。枱面整齊擺放好餐具、醬料及點餐紙。飲品是放於門則一角，客人可自行取用。特別一提，餐廳各處已張貼告示不要浪費食物，因食剩的食物是要額外收用費用，因此下單時要量力而為。餐廳食物款式多樣，除了放題外，還可以選擇打邊爐或者蒸氣火鍋，今次與友人決定食放題。點餐紙分門別類，小小一張，設計精美。我們按個人喜好點了不少東西呢。味噌蟹粥，有一塊蟹腳。粥入口軟綿，帶有薑味，食到蟹的鮮味，粟米的甜味。香芒蟹籽沙律，有青瓜絲，椰菜絲，芒果，蟹籽和沙律醬，酸酸甜甜，蔬菜爽脆，很好吃！蒜香牛油煎帆立貝，帆立貝飽滿鮮美，醬汁入味，我相信一人可以吃光一碟。香草羊扒，薄身，沒有太大騷味，但略為有韌

今晚相約朋友在元朗開飯，他提議吃放題。數數手指原來我也幾個月沒有放題過，那今晚就放肆一下食餐勁吧雋太位處元朗達輝徑轉角位，不算難找。來到門才知道Book位的話有88折大家記住來之前book定位喇。每位加$68便可無限追加松葉蟹腳和廣島生蠔各式各樣的Order紙甫坐下，先來半打生蠔。新鮮的廣島蠔雖然size不大，但蠔肉爽口creamy，放題來說算不錯接著便是剌身拼盆，三文魚肥美鮮嫩，劍魚腩油脂滿捨，甜蝦爽弾無比這裡的上菜速度非常快，說時遲那時快，轉眼間又上了幾碟。壽司細細舊，不浪費又不怕哂quota焗蠔也是水準之作，吃下蠔味重，加埋芝士汁正到痺松葉蟹腳肉質鮮嫩，咸咸地啖啖肉令人回味無窮其他食物也正正常常火鍋類有幾種湯底可選擇，我們選了黑蒜油豬骨湯，味道有點像出前一丁炸物用竹碟盛載，賣相還不錯。炸芝士和炸蠔咬下熱辣辣脆卜卜最後就到甜品還節，甜品有幾款雪糕和泡芙可選，movenpick的話每位可order一杯坦白說放題從來不是我杯茶，但雋太令我改觀了今晚食到飽飽，每人大約$300。有廣島蠔和松葉蟹腳，要回本絕對不成問題。另外值得一提，這裡的店員非常細心和helpful，我倆甫入座非常肚餓之制

元朗的食店林立, 找一間日式食店, 隨處都是, 不知哪家好吃, 就隨意看到哪家就進那家吧。被外面大大的招牌吸引住, 進去一看, 格調和點餐紙跟市面上的擺設大同小異。就點了一些刺身, 沙律; 突然被我發現這裏有一個韓式泡菜炒章魚, 日式食店, 居然有韓款食物, 果然是多元化。一開始來碟雜錦海鮮和風沙律及韓式泡菜炒章魚; 韓式泡菜炒章魚章魚爽口, 但味道較淡, 辣度不足, 如果凍食口感會較好; 雜錦海鮮沙律, 有不同新鮮海鮮, 三文魚, 魷魚, 劍魚等, 配以新鮮青菜, 青瓜絲, 口感青爽, 如果沙律醬多些會更惹味。至於刺身, 一大盤的新鮮刺身端上, 裝飾華麗, 有三文魚, 劍魚腩, 北海道帶子, 榮螺片, 象拔蚌, 甜蝦。三文魚厚切, 鮮紅的肉, 新鮮紋路清晰; 而劍魚腩, 肥美可口, 魚鮮味無窮; 北海道帶子肉色雪白, 入口清甜軟滑; 金黃的象拔蚌, 象拔蚌清甜爽口, 入口清脆, 但味道有點兒腥; 甜蝦,食指般的長度, 肉色晶瑩剔透, 蝦肉鮮甜無比;榮螺片, 粒粒皆爽口,  螺味清新鮮甜;吃完刺身來一個榴槤炸彈, 榴槤炸彈, 特色的小食其他日式食店不能吃到;金黃色的炸彈, 外脆肉軟,

同朋友補祝生日，book左9：30，試下佢新出嘅磯燒，每位都只係加多20蚊，就可以食到好多款海鮮，而且質素好好，絕對係超值，仲有專人教我地燒，非常細心其實除左磯燒，我地都叫左好多嘢食，不過人多掛住傾計冇影相。食物嘅件數足，而且上菜唔算耐，優惠期早一日訂枱有赤海蝦免費升級，食到lum lum脷，我地12人又有8折，真係個個都食到抱住個肚走，其中朋友食完之後過幾日仲Book多次同老婆去補祝情人節添~以後唔洗出一定要山長水遠九龍先食到我最愛嘅放題，真係好開心

食材差，服務更差，尤其喺一個不男不女嘅所謂經理，如果各位想食嘢食到俾人西口西面嘅話，不妨一試。餐廳內沒有洗手間，問嗰個不男不女嘅經理，佢反問番你，你睇吾到㗎，鎖匙勾起度，盲㗎！？使吾使咁寸？好，我嚟食嘢，吾喺嚟乞食，我忍你。不過以後都吾會嚟食！臨走見到有檯客大鬧嗰不男不女，隱約聽到投訴話貨不對辦，壽司order5舊就嚟20舊，食物出得奇慢，刺身第二round未出巳叫last order,各位幫襯前請三思！

我覺得這家放題真的很抵食，我是中午十二時入場的，被商家告知可以吃到下午三點，就是說可以吃三個小時。好像有活動，幫我Free upgrade到阿根廷赤海蝦。刺身很好吃，三文魚也很新鮮，象拔蚌也是任吃！個人最愛的就是鐵板燒帶子和牛柳牛舌。飲品是放在冰箱自己隨便拿～真的很用心。非常希望這家店能一直做下去喔，太棒了！價格？還有88折，兩個人388hkd，抵到爆炸

打電話去book位，叫我等陣，等左5分鐘都未等到。再打第二次，佢語氣十分惡劣、兇狠，仲請叫我二點半先同佢傾。。。。。。。。。。。。。。。。。。。。。。。。。。。

今日去食午餐，成間食店係我的感覺除了污糟，仍然是污糟侍應態度殷切，可惜食物質素麻麻。兩大一小要6百幾蚊找數，絕對唔值以呢個價錢，食呢d野，感覺好差唔怪得之：星期日完全唔使等位，仲要好少食客啦

今日去元朗，同屋企人想食放題慶祝家姐grad,就bk呢間。點知待應態度差，職員講野前後兩樣，食物又唔係好食，甘既價旺角好食好多。尤其係串燒蝦，有怪味！象拔蚌刺身一啲都唔新鮮，壽司飯腍patpat, 天婦羅油到爆。燒菠蘿又薄又乾。牛柳粒又硬又無味，羊架香草放太多有啲苦，清酒煮蜆無清酒味，係清水煮蜆芝士燒蠔好少芝士得大pat蛋黃醬(?)，仲要一個大蠔殼放兩粒蚊型珍珠蠔only，哇！甘都得雖然都有啲好食，但都係放題應有既正常水準，無咩特別。唔會因為甘而推介。要食放題，出去差唔多價，有更好服務同質素，唔洗係度受氣又對唔住個胃同荷包囉無下次！

聽朋友介紹抵食去試下，本身我都唔係一個計較既人，但今次真係一世人都未試過咁樣既服務，一去到已經好似亂葬崗咁，d客走左既餐具食淨既野完全冇人執，叫野要自己拎單出去，又甩單，走出去追佢，見到d野食廚房出左黎，但係可以擺十幾分鐘都冇人走埋去派比客人既，野食埋到黎就咁擺係執邊d冇人執既枱度，同d未執既野擺埋一齊，要自己要睇單自己拎，完全冇服務+唔衛生，都未見過d咁既服務，ps:但係魚生類係好食既，其他一般，但服務真係唔掂，茶記都好過佢

因為又去了元朗朋友的家去玩~所以晚餐又到了雋太日本料理吃放題囉!!!看見大大盆魚生就很興奮了!!!最喜歡這裏有象拔蚌還有赤貝~~這裏的帆立貝也不需要額外加錢呢~全部的魚生都很新鮮好吃~由A至J多款食物可以點選~還有雪櫃的飲品可以自取呢~~而且這裏有有蒸鍋可以吃呢~上層是元貝,蝦子等的海鮮~最底有粥底~而且店家還貼心的把粥預先煮好再放進去~因為這裏不像一般專門吃蒸鍋的地方~大家不會加很多料進去,也不會煮很久呀~所以,只煮了十五分鐘的粥還是很綿軟好吃~~海倫跟朋友們點了一些前菜~這個明太子雞翼很特別呢~雞翼炸得香脆,而裏面的明太子(還有混一點沙律醬吧?)又是另一種感覺~再來是壽司們~因為同行朋友們的戰鬥力比較低~所以只有孤單的三兩件壽司喔...另外還有炙燒蟹棒壽司及鰻魚壽司~蒲燒鰻魚有滿滿的魚油香很好吃呢~~天婦羅方面~炸粉很薄,但蕃薯吃起來不夠腍呢...而且天婦羅的款式選擇也不多~反而其他熱食有點驚喜~這個牛油炒雜菌很香很好吃~而最喜歡的是旁邊那個泡菜炒魷魚~魷魚不韌而且帶點辣香~如果不是因為太辣,海倫真的很想再點一份呢!!燒物方面,有海倫最愛的燒菠蘿~最喜歡這種有皮的燒菠蘿~因為有些點

今天和家人到了元朗的日式放題食飯，因為早一日訂位的關係，很快便可以入座。職員安排我們坐低，坐位寬敞舒適。坐低後便開始點餐，食物的款式很多，可以在餐紙中揀選。相反，飲品就在雪櫃自取，，大多數是紙包飲品。由於早一天訂了海鮮千層窩，於是職員在我們坐下後便端上海鮮窩並開火蒸煮，大約15分鐘後便可以吃了。最上的一層是扇貝，感覺鮮甜彈牙，第二層是蝦和蟶子，蟶子爽口鮮味。最底層是南瓜豬骨粥點了很多食物，刺身的質素十分滿意，三文魚是厚切，甜蝦和帶子也十分新鮮，且點了很多輪。另外，一口芝士和紫薯波也是超讚，熱辣辣是新鮮炸好，芝士味濃，入口脆脆，十分吸引。天婦羅是即叫即炸，不過略為油了一點。另外推介清酒煮蜆，蜆肉超大隻，比想像中新鮮和入味，肉質彈牙鮮美，推薦!!!其他食物也非常有水準~總結而言，在元朗都食到新鮮用心的放題，以後多一個選擇了!

一行3人，久唔久就會來這裡食放題，食物種類多，上菜速度尚可，食品新鮮，質素唔錯，放題加任食蠔 （好似要加$38）還有餐廳久唔久會調整menu, 不會太沈悶生蠔太約叫了5-6round, 亦沒有漏單情況，抵讚，整體來說是個不錯的放肆一餐的地方唯一我討厭的就是洗手間，要出左門口行小段路，在一條橫巷 ， 有點污Jo

雋太日本料理不是第一次品嚐了，不過早前經過時見到添加了數款新菜式，包括了早前最潮的韓式蒸多層活海鮮鍋，二話不說跟幾個朋友立刻訂位！雋太日本料理位於元朗西裕街達輝徑1號足彬大廈1號地舖。放題分了幾個時段，時間未到時須在店鋪門口排隊。雖然當天是星期六，但去到時店鋪前已經有一條龍了。上一次來已經是很久前的事了，不過之前幾次亦只是在店舖的外間進食，原來還有一個內間。 食品及熱飲可在放題紙上點選，凍飲飲品則需自行到飲品櫃自取。韓式蒸多層活海鮮鍋要四人先會免費，其為三層海鮮鍋，比想像中的少。當有蒸氣後15分鐘便可進食。第一層為仙貝及蜆，仙貝上不能吃的部份已預早切除。第二層有蝦，花甲及南瓜，無添加任何醬料或醬汁，原汁原味的海產味道。第三層為海鮮粥，但內有牛肉及蕃薯。因為為最後一層才食用，到揭蓋的時候已經有少許痴底及燶味了。有個煲唔好浪費，所以另外叫了韓式鐵板芝士骨。要了兩塊芝士鐵板，慢慢看著正在溶的芝士和豬肋骨融合。甜酸的韓式豬肋骨配上咸芝士，拿起拉絲，視覺及味覺享受。當然也可以點選放題點單，各種刺身，天婦羅及炸物。不過刺身比以前吃的能量少了且質素也下降了，所以沒點多。另外見到了有新菜色，所以點了韓

夏天天氣熱，媽咪懶得煮飯，所以決定一家人出去食放題，但又唔想特登搭車出九龍區食，都係留返元朗食算！老實講係元朗食放題的地方唔算多，媽咪的朋友就話雋太幾好就試一試！平日5:45pm個場只有幾檯人，座位夠闊落唔使逼。點餐紙分咗好多張，而加$38升級，就會有得任食生蠔！趁野食未到就先拎飲品，係雪櫃自取就得，選擇都幾多，汽水、茶、果汁飲品等都有。不過荔枝玉露入面有椰果，但就冇粗飲管提供，飲到啜著咗⋯⋯生蠔每次每人最多叫3隻，size都中等，唔會好細隻，食落都幾爽口，但冇乜海水咸味，對得住個價錢就是了。而呢度特別的地方係有韓式蒸多層活海鮮（4人以上先會有），頂層有扇貝、三文魚，第二層有蝦及蜆。第一次食這類型的海鮮鍋，即使不加任何調味料，都非常鮮味呢！也很少放題會有得食海鮮鍋，夠特別，比大家有多一個選擇！而刺生的選擇都幾多，質素都幾好，三文魚、甜蝦、象拔、榮螺，唔覺有雪味，而數量都會比足！至於炸物同熟食都不錯，夠熱、唔會覺得好油膩，尤其是紫心香芋丸，甜甜地、香芋味濃，真係忍唔住食多兩粒！牛油煎帆立貝同蒜片牛柳粒調得幾入味，但牛柳粒就煮得韌咗少少喇。最後甜品一人一杯movenpick! 另外雪櫃仲有