金鶴拉麵 (利民大廈)

營業中

休息中

極濃龍蝦湯拉麵一上就聞到好濃郁嘅龍蝦湯味，個湯好濃稠好cream，我差唔多飲哂碗湯！叉燒好好食！睇落瘦，但完全唔會痴牙起渣，有啲似厚切生火腿嘅味道，但又唔會咸，好嫩滑，呢個有驚喜。拉麵硬度適中，幾有咬口，不過吸湯幾快，影左幾張相，再同朋友傾多幾句，就浸到淋淋地，所以真係要襯熱食！北海道蟹湯拉麵朋友就叫左推介嘅蟹湯，對比龍蝦偏清淡，有啲似忌廉湯，但撈埋蟹肉會鮮甜同吊返啲海鮮味，尤其飲最底最精華果幾啖湯，勁足料勁鮮明太子雞翼非常飽滿，脹卜卜，表皮好香脆，個餡好夠味夠辣，係忍唔住好上癮嘅辣，果然係推介。