影片
更多
2008-01-15
17 瀏覽
11月22日, 因為我就黎生日, 今次同屋企人既生日飯就揀左去阿里朗食~ 周圍都好多韓國人食~ 有某d菜式或者燒肉仲會有專人企係台側邊幫你整埋服侍埋你~ 感覺佢地d staff都幾有禮貌, 服務都算唔錯~點菜之後先奉上6碟韓式小食前菜, 呀比話個泡菜好好食~ 我就鍾意食個甜薯仔~ ::: 泡菜海鮮鍋::: $300呢個鍋都真係幾大堆頭. 用既海鮮亦都唔馬虎!! 成鍋野既海鮮有蟹, 蝦, 青口, 魚等等, 配菜仲有籮白, 金菇, 豆腐, 紹菜, 荵段~ 雖然話係泡菜但係唔係好辣, 有辣味既刺激但係唔會蓋過食物既鮮味. 個湯好好飲, 海鮮食落都新鮮~ 唯獨是個蝦好似有d霉霉地...::: 韓式牛肉炒粉絲::: $90好好味~ 其實應該係話好難炒得唔好味~!! 配料多, 粉絲又入味, 特別係d牛肉好好味, 呢個係佢同其他街坊既炒粉絲既分野. 唔錯唔錯~不過份量好少.::: 雜菜石頭飯::: $100石頭飯就好中規中矩~ 可能因為我冇落到個辣椒醬所以覺得唔係好夠味. 但係如果本身唔食辣既人就會食唔到呢個飯既正宗味道了~ 好辣既可以撈多d 辣椒醬, 辣得黎幾甜. 呢個飯又冇乜肉, 所以感覺好齋~
點菜之後先奉上6碟韓式小食前菜, 呀比話個泡菜好好食~ 我就鍾意食個甜薯仔~
::: 泡菜海鮮鍋::: $300
呢個鍋都真係幾大堆頭. 用既海鮮亦都唔馬虎!! 成鍋野既海鮮有蟹, 蝦, 青口, 魚等等, 配菜仲有籮白, 金菇, 豆腐, 紹菜, 荵段~ 雖然話係泡菜但係唔係好辣, 有辣味既刺激但係唔會蓋過食物既鮮味. 個湯好好飲, 海鮮食落都新鮮~ 唯獨是個蝦好似有d霉霉地...
::: 韓式牛肉炒粉絲::: $90
好好味~ 其實應該係話好難炒得唔好味~!! 配料多, 粉絲又入味, 特別係d牛肉好好味, 呢個係佢同其他街坊既炒粉絲既分野. 唔錯唔錯~不過份量好少.
::: 雜菜石頭飯::: $100
石頭飯就好中規中矩~ 可能因為我冇落到個辣椒醬所以覺得唔係好夠味. 但係如果本身唔食辣既人就會食唔到呢個飯既正宗味道了~ 好辣既可以撈多d 辣椒醬, 辣得黎幾甜. 呢個飯又冇乜肉, 所以感覺好齋~ 麻麻地啦.
::: 烤肉拼盤::: $288
烤肉拼盤有齊牛肉, 豬肉, 雞肉, 羊肉4種. 因為一上台已經好吸引所以冇影相就燒晒黎食lu~ 我地見其他台食燒烤時有專人幫佢地燒埋, 不過唔知點解我地就冇~ 不過都好好食. 其實d肉”yip”左之後都唔係好食得出係邊隻打邊隻. 出奇既係牛肉同豬肉個質地好似, 羊肉又冇晒”酥”味~ overall呢個拼盤真係幾好食, arm晒我地呢d食肉獸~ 但係份量好少, 唔夠喉囉~
::: 雜景拌麵::: $90
雜景拌麵係見到隔離台食好似幾好味就叫黎試下既~ 紅紅橙橙既汁好似泡菜汁辣辣地. 都幾好味既但係唔係太特別囉~
總結, 呢餐係一次富有韓國特式既生日飯~ 不過可能佢口味太正宗, 反而唔係好arm我食. 同埋呢度d野食都幾貴, 份量又唔係多, 真係要叫好多錢先食得飽~
張貼
