影片
更多
2008-02-14
3 瀏覽
初七"人日"去左呢間野到食lunch buffet! 正如之前食家所講，book位真係要預早book,初五book唔到初六，咁就初七去食啦。十二點開始，十二點三就到，由於之前己看過食評，知道地方細，好嘈雜，真係無講錯，一行二人被安排0係一列二人位中，0係三文魚的後面。人坐低真係有d心知不妙的感覺，d人好似唔駛錢咁，不停0係度"搶"三文魚，用搶來形容真係一d都唔誇張，只係數十秒就已經無晒，個個都好似好瘋狂咁，同茶樓真係無分別，人又多，地方又細。冷盤有沙律，雞腳，中華沙律，五顏六色齋等等熱食有:咖哩魚旦，牛同豬扖，炒飯，炒麵，菜，豆腐碗，仔翅等等。仲有一檔，有串燒-雞同豬, 同車仔麵，餃子之類，即叫即做。海鮮有:焗蠔啦(出左三次, 每次用搶來形容，手腳慢d都唔好止意有得食，好辛苦先同人搶左六隻到，阿媽你真係叻!!)炒蜆(出左三四次,出左唔同味), 蒸魚(出左兩次，阿媽話麻麻地，唔夠滑),大螺(一隻都係搶唔到)，仲有蝦(我都係睇隔離食我先知道!)甜品有: 即制pancake，有芒果，哈密瓜等，仲有古古力醬同草莓醬俾你整，只係試過芒果,個staff 好似好無心機做咁。本來諗住自己加雪糕會好正，
十二點開始，十二點三就到，由於之前己看過食評，知道地方細，好嘈雜，真係無講錯，一行二人被安排0係一列二人位中，0係三文魚的後面。人坐低真係有d心知不妙的感覺，d人好似唔駛錢咁，不停0係度"搶"三文魚，用搶來形容真係一d都唔誇張，只係數十秒就已經無晒，個個都好似好瘋狂咁，同茶樓真係無分別，人又多，地方又細。
冷盤有沙律，雞腳，中華沙律，五顏六色齋等等
熱食有:咖哩魚旦，牛同豬扖，炒飯，炒麵，菜，豆腐碗，仔翅等等。
仲有一檔，有串燒-雞同豬, 同車仔麵，餃子之類，即叫即做。
海鮮有:焗蠔啦(出左三次, 每次用搶來形容，手腳慢d都唔好止意有得食，好辛苦先同人搶左六隻到，阿媽你真係叻!!)炒蜆(出左三四次,出左唔同味), 蒸魚(出左兩次，阿媽話麻麻地，唔夠滑),大螺(一隻都係搶唔到)，仲有蝦(我都係睇隔離食我先知道!)
甜品有: 即制pancake，有芒果，哈密瓜等，仲有古古力醬同草莓醬俾你整，只係試過芒果,個staff 好似好無心機做咁。本來諗住自己加雪糕會好正，但只係得牛奶公司既草莓同芋頭味，(如果有朱古力味就好)，結果只係打消左呢個念頭!! 仲有大菜糕，(大菜味不足，加埋花奶都係麻麻地)，仲有日本福餅(只係試左紅豆，幾好味)，d cakes 真係好麻麻，太多cream，水果就有哈密瓜，西瓜，同橙等等，本來見到有木瓜雪耳糖水想食下，仲之後再睇清晒。真係無癮!!
食完呢一次自助餐發現，環境同氣氛真係好重要，食野應該係好享受，好開心，而唔係成日都要打醒十二分精神留意住幾時有蠔出，同用咩方法去迫入去，點搶法，個頭又要不停望，個口又要不停食，好似食慢d都輸晒咁，d waiter收野算係好麻麻，可能d客太多，waiters又少，個位又細，攪到收唔切。
好既地方係連埋加一都只係八十幾蚊，以咁既價錢食到既海鮮係抵啦，當然你係要搶得到啦!!我諗weekend情況會更瘋狂，下次真係真係去真係要weekdays呀!!
張貼