拉麵台風 (已搬遷) 新店位置

呢間拉麵店開咗好耐，好多年前食過一次。今日中午12點路過，見唔使排隊，咁就入去坐低，睇吓現今水準如何。叫咗魚介豬骨湯拉麵，本來已經幾大碗，我再另加麵同埋叉燒，希望嚟個大滿足😅拉麵好快嚟到，真正大碗！賣相非常一般，叉燒顏色灰白，睇落乾爭爭凍冰冰。先飲一啖湯，味道確係濃，不過唔係話好好味嘅濃，而係好thick。食一啖叉燒，果然係一啲都唔熱，比較硬，不過有豬肉味，將叉燒浸入湯裏面熱一熱就稍為好啲。麵比較硬身，啱我胃口，呢點做得好。總體來講味道係一般，不過份量真係相當大，食得好飽，兼且佢好似幾年都冇加過價。