Deli and Wine (已結業)

話説星期日夜晚出左街食團年飯 所以星期一冇飯帶 但我又唔想係凍嘅天氣下係街到留太耐 咁岩最近文化中心間餐廳deli and wine 終於裝修完開返啦 所以係附近返工嘅我就去買外賣 順便睇下佢裝修完咩樣以前deli and wine 比我嘅感覺係冇咁高級嘅西餐 黃色燈令到間餐廳都幾有feel 而家佢用左白色燈 好整潔 但變左間普通餐廳咁 不過價錢上我覺得都冇咩分別 都唔係話平我就叫左個雙餸飯 你要去個櫃到睇下啲餸岩唔岩食先 我最後叫左薑汁芥蘭同黑醋豬柳 因為要加錢所以冇叫野飲 雖然個飯冇咩特別 都係放啲餸係上面 冇汁 但都幾好味 個豬柳冇骨 啖啖肉酸酸甜甜有啲似咕嚕肉好香黑醋味 而啲芥蘭幾爽易咬斷 唔錯！