Fish & Co (已結業)

今日終於試o左呢間o既炸魚薯條,重食埋烤魚set!炸魚薯條o既炸魚好滑冇雪味,層炸粉都好薄,金黃得o黎唔會成口粉漿,好似o係英國食o既咁樣!塊魚都幾大塊,同埋薯條一齊用平底鑊上,都幾特別;薯條亦係新鮮炸起,唔鹹,都幾好.烤魚亦係用平底鑊上,今日係烤龍利魚柳,配炒飯同配菜,味道其實唔錯,不過個人認為炸魚薯條比較出色.另外要講下點炸魚個醬汁,有三種:白汁,蒜蓉同酸辣汁.三種都同炸魚好配合,但酸辣汁最好,開胃得來又有D辣.侍應方面都幾好禮貌,不過有時order o左o野會唔記得要再叫多次.Lunch時候吃最抵,40蚊一個主菜.下次會試下辣蝦麵同青口,好似幾好食咁!