影片
更多
2022-01-16
89 瀏覽
上次黎開九龍城時經過呢間野，由門口個玻璃窗裝入去望，只係見到以為係賣餐具之類嘅地方，之後喺網上見到有介紹先㖱原來呢間係一間餐廳 於是早個幾星期上網book定位，weekend晏晝下午茶時段都仲有2、3個時間㨂。呢個餐廳非常近MTR站出口，基本上1分鐘已行到。一入到入面，覺得好靚好靚，明顯見到店主用左好多心機去裝飾擺位，所以擺設、傢俬、色tone、氣氛都配撘得好好，令人感覺好舒服。再行入啲先係餐廳位置，枱就唔算多張，印象中好似得6-8張左右？ 地方有限，同隔離枱都算近，所以大聲少少講野一定嘈到隔離，慶幸當日大家都有注意聲量。燈光方面會偏暗左少少，menu d 字又偏細，所以要辛苦少少咁睇我地嗌左焙茶黑芝麻熱飲、焙煎濃香蜂蜜麥茶、同埋善哉。焙茶黑芝麻果杯個人就認為細杯左少少，飲落其實唔太覺有焙茶嘅味道，有啲啲失望。不過個蜂蜜茶就有驚喜，飲落麥味好重，會有少少whisky嘅感覺，都幾得意㗎，staff都有覺可以refill熱水嘅「善哉」就以日本白玉紅豆湯呢個甜品黎講呢度整得唔算太甜，份量都可以，再大碗就太漏了。呢度除左傢俬、裝飾擺設好有日本feel之外，啲餐具其實都好特別。所以其實好值得下次
於是早個幾星期上網book定位，weekend晏晝下午茶時段都仲有2、3個時間㨂。
呢個餐廳非常近MTR站出口，基本上1分鐘已行到。
一入到入面，覺得好靚好靚，明顯見到店主用左好多心機去裝飾擺位，所以擺設、傢俬、色tone、氣氛都配撘得好好，令人感覺好舒服。
再行入啲先係餐廳位置，枱就唔算多張，印象中好似得6-8張左右？ 地方有限，同隔離枱都算近，所以大聲少少講野一定嘈到隔離，慶幸當日大家都有注意聲量。燈光方面會偏暗左少少，menu d 字又偏細，所以要辛苦少少咁睇
我地嗌左焙茶黑芝麻熱飲、焙煎濃香蜂蜜麥茶、同埋善哉。
焙茶黑芝麻果杯個人就認為細杯左少少，飲落其實唔太覺有焙茶嘅味道，有啲啲失望。不過個蜂蜜茶就有驚喜，飲落麥味好重，會有少少whisky嘅感覺，都幾得意㗎，staff都有覺可以refill熱水嘅
「善哉」就以日本白玉紅豆湯呢個甜品黎講呢度整得唔算太甜，份量都可以，再大碗就太漏了。
呢度除左傢俬、裝飾擺設好有日本feel之外，啲餐具其實都好特別。
所以其實好值得下次再黎試下其他野。
不過今次我去嘅時間唔知係咪附近係有工程定咩，全程都間歇性地嘈同埋震晒咁希望下次再黎時唔會咁，如果唔係都幾影響用餐感覺。
張貼
