影片
更多
2004-09-22
65 瀏覽
今日成日都要周圍去開會，食午飯都要應酬兩個洋人。正諗去邊度食，唔想太formal又唔可以太casual，同事提議來這裡食點心自助餐。雖然未試過呢度的點心，但都來過飲野，地方唔失禮，所以就一行四人的來了。裝修幾靚，地方唔錯，檯櫈傢私碗碟都很精緻，入口那個大鳥籠幾觸目。眼見今日幫襯的，絕大多數是洋人。分室內及室外兩部份，當然以室內的環境較好，但我們就坐室外，都有幾把勁牛角扇在吹濕水蒸氣，所以今日悶熱的天氣亦不覺太難受。自助飲茶，幾乾手淨腳，點心選擇不少，都有廿幾款，款式都係大路的蝦餃燒賣春卷鹹水角的，水準當然不是十分好，應該是蒸著等人叫的。但賣相精緻，好得兩位外賓的歡心，尤其一味炸兩，為本地美食增光不少﹝雖然水準一般！﹞。侍應招呼都唔錯，沒有甩單，亦一叫就到，值得一讚。埋單450蚊有找，以專誠吃中式點心來說當然不算抵，但若找處飲茶地方傾正經野，又唔想太拘謹的話，呢度不失為不錯的選擇。To Editor：請加入電話3110-1222
裝修幾靚，地方唔錯，檯櫈傢私碗碟都很精緻，入口那個大鳥籠幾觸目。眼見今日幫襯的，絕大多數是洋人。分室內及室外兩部份，當然以室內的環境較好，但我們就坐室外，都有幾把勁牛角扇在吹濕水蒸氣，所以今日悶熱的天氣亦不覺太難受。
自助飲茶，幾乾手淨腳，點心選擇不少，都有廿幾款，款式都係大路的蝦餃燒賣春卷鹹水角的，水準當然不是十分好，應該是蒸著等人叫的。但賣相精緻，好得兩位外賓的歡心，尤其一味炸兩，為本地美食增光不少﹝雖然水準一般！﹞。
侍應招呼都唔錯，沒有甩單，亦一叫就到，值得一讚。
埋單450蚊有找，以專誠吃中式點心來說當然不算抵，但若找處飲茶地方傾正經野，又唔想太拘謹的話，呢度不失為不錯的選擇。
To Editor：請加入電話3110-1222
張貼