TAP The Ale Project (已結業)

香港愈黎愈多地方有手工啤賣，不過我自己鐘意飲on tap既手工啤多d。第一次黎已經好鐘意呢個地方，環境舒服，bar既哥哥又好傾，最重要係啤酒同野食都好得！我本身比較鐘意偏苦既啤酒，今次就叫左Bierfest，趁秋天見識下所謂seasonal既啤酒。呢種啤酒after taste都幾持久，雖然唔係fruity路線，但幾岩個人口味。每次黎都會叫薯條食，因為即刻炸，好吸引人一食再食。我見到同場仲有人叫左佢地既包，望落好似幾得意，本身飲啤酒食包呢個concept都好有趣，下次一定會親身試下。無特別影室內環境，因為我覺得其實黎呢到同朋友傾下計係好正，強烈建議大家親自黎感受下呢到既氣氛。順帶一提，如果諗唔掂要揀咩啤酒，不妨問下staff既意見，又或者問下佢地有無得試下款啤酒既味，佢地會好樂意解答客人既問題！