茶木‧台式休閒餐廳 (置富第一城)

營業中

休息中

喺附近做完按摩食埋個晚餐先返屋企。行咗嚟呢邊。喺隔離間敏華揀唔到啱食嘅，唯有又食一次茶木。上個禮拜先喺第二度食完。呢度就唔同啲得少少枱櫈俾人坐同埋要落咗單先坐係位。另外見到佢有晚餐套餐，其他茶木分店應該冇。咁我就落咗一個一人餐叫鹽酥雞小食跟住主菜叫咗香菇肉操拌麵，飲品我望黎望去我都係淨係想飲芒果沙冰。咁我比完錢坐低之後得返一張枱。唯有坐低。坐低之後發現該環境有一浸味好似一種藥味，有病嘅人嗰種味。全程用膳都要忍住呢種臭味。嘢食嚟到喇。食落發現個質素真係差好多。首先份鹽酥雞小食冇乜肉食嘅，佢擺好多說碎喺入邊。跟住個芒果沙冰都好差。同我第度飲嘅唔同囉，佢唔creamy同埋冇乜芒果味,啲碎冰粒比較大粒，只能夠話佢真係芒果 沙 冰。黃色芒果味碎冰。最嚴重都係我用膳嗰陣聞到嗰浸病味，搞到我食咩都係嗰隻味。🤮老老實實去其他分店食無咁嬲。