Marks & Spencer - 食品部

營業中

休息中

「好友狂嚐曲」系列食評一向喺寫朋友送贈嘅曲奇餅，今趟就有啲灰色，半抽水咁啦，因為，好友送贈嘅「Easter Bunny Biscuits」明顯就喺寫住餅乾，不過，無論樣貌，抑或口感，都極似一塊曲奇 ，如果唔喺包裝袋寫住「餅乾」，相信十個人有九個都當佢喺曲奇 。包裝已打正旗號喺復活節應節產品，以朱古力搭雲呢嗱為主要味道，而M&S嘅產品一向都頗有質素。打開包裝袋，一排上下兩層共8件，當下午茶一鋪過就搞掂 。牛油朱古力乾餅中，以雲呢嗱味做出內兔仔，仲喺一隻小肥兔。餅乾口感都幾鬆化，朱古力味都OK，亦滿有牛油香，感覺唔錯。食完都覺得佢似曲奇，不過，理佢喺餅乾定曲奇，都衷心多謝老友 ！