影片
更多
2017-12-12
1788 瀏覽
隔咗幾個月無出文寫曲奇喇，不過，再出就寫番篇好嘢先，就喺好友所送Habitu嘅聖誕曲奇，好嘢在於原來喺由城中名模Amanda Strang設計同監製，名為「Rudolph’s Biscuits」嘅紅莓朱古力榛子曲奇。一身銀光閃閃嘅包裝盒，設計簡潔，卻幾搶眼，送禮絕唔怕失禮，而盒旁更有 Amanda對聖誕嘅分享。打開包裝盒，一盒有12片，每片均獨立包裝，予人衛生之感，而且，鋪滿紙碎在其中，減少碰撞整碎曲奇嘅機會，讓客人享用到每片完整嘅曲奇。紅莓朱古力榛子曲奇色澤偏深，厚薄度啱啱好，咬落鬆脆，而且，好有榛子香味，此外，睇佢表面就知料足無欺場，曲奇混有好多紅莓乾及可可碎豆，的確好食。連續食咗幾塊，不可以不讚佢製作認真，幾片嘅大小、厚薄均一。聖誕節喺普天同慶嘅日子，多謝好友送我一盒如此好食嘅曲奇，為小弟提早慶祝聖誕節。如果未諗聖誕送咩俾好朋友好，不妨考慮吓呢款曲奇！
一身銀光閃閃嘅包裝盒，設計簡潔，卻幾搶眼，送禮絕唔怕失禮，而盒旁更有 Amanda對聖誕嘅分享。
打開包裝盒，一盒有12片，每片均獨立包裝，予人衛生之感，而且，鋪滿紙碎在其中，減少碰撞整碎曲奇嘅機會，讓客人享用到每片完整嘅曲奇。
紅莓朱古力榛子曲奇色澤偏深，厚薄度啱啱好，咬落鬆脆，而且，好有榛子香味，此外，睇佢表面就知料足無欺場，曲奇混有好多紅莓乾及可可碎豆，的確好食。連續食咗幾塊，不可以不讚佢製作認真，幾片嘅大小、厚薄均一。
聖誕節喺普天同慶嘅日子，多謝好友送我一盒如此好食嘅曲奇，為小弟提早慶祝聖誕節。如果未諗聖誕送咩俾好朋友好，不妨考慮吓呢款曲奇！
題外話/補充資料：
因為喺朋友送贈，所以，幾個細項評分（環境、服務、衛生、抵食）嘅參考值唔大。
(以上食評乃用戶個人意見 , 並不代表OpenRice之觀點。)
張貼
