Terrace in seaside (海運大廈)

營業中

休息中

海港城開左好多新餐廳, 呢間門口掛住好多柑橘既韓國野大排長龍, 人氣超高!見到每張枱都有叫柑橘既野飲, 真係好可愛, 所以我地都叫左杯柑橘乳酪, 酸酸甜甜好飲又岩打卡!炸雞都幾抵食, 我地叫左份無骨醬油炸雞, 峴肉飯, 雞胸沙律, 仲有甜品~炸雞好大份, 呢到只係半份! 上枱果下已經覺得好開, 而且每件炸雞都有醬汁既coating, 包裹得好好!所以每一啖都有汁, 而且淡淡肉, 又juicy好食, 最鐘意上面有幾條炸年糕, 岩晒煙韌控!峴肉飯個賣相好得意, 會壓平晒, 本身都未食過呢樣野, 原來係類似泡菜炒飯, 所以少少辣, 好香口, 粒粒分明!雞胸沙律好清新, 雞胸好滑, 就算無汁都好好食~最後就係甜品! 我地食左水果忌廉三文治同埋士多啤梨tiramisu, 本身以為水果忌廉三文治會好重cream, 但我估佢係加左cream cheese(?)所以會好thick, 唔漏, 配埋生果好夾好好食~而士多啤梨tiramisu係無咖啡既, 其實就係士多啤梨加蛋糕咁上下, 上面仲有層白朱古力醬, 好似食緊草莓白朱古力甜品咁, 好幸福既感覺!