Running 燒 (已結業)

今日同舊同事食飯，佢極力推介running燒，最後我哋就一行四人過嚟試一試佢😁既然咁耐冇見我哋就諗住食得好啲🥰決定試有和牛嗰款放題。首先我哋食咗海鮮先，有鮮蝦，帶子，帆立貝。估唔到size都幾大隻，每樣都好新鮮，唔會有過多嘅調味，唔錯。另外肉類方面，牛頸脊封門柳都係我哋又再返叫嘅，相對其他部位冇咁油膩，而且厚切令牛肉更有口感，絕對不輸外面單點形式的韓燒餐廳。另外燒生蠔都係好正，勁大個，上面鋪滿晒芝士，燒熔左超級好味，雖然好邪惡，但堅正😆最正最正嘅係啤酒仼飲😝仲要係日本出名品牌SUNTORY，平時一田買都唔平，呢度任飲真係好爽，一大班朋友過嚟飲下食吓真係好開心。