海膽仔

營業中

休息中

呢日喺新蒲崗，要醫肚，唔熟悉呢區，不過都有嚟過吓，記得有呢間餐廳，印象中幾好味，於是就決定過去開餐😆$128 嘅「珍味丼定食」，「定食」包 味噌湯 同沙律🥗「珍味丼」材料包括 三文魚、帶子、魚籽、牡丹蝦、吞拿魚蓉、最特別係有隻鮑魚🤩，全部都新鮮幾好味，其中鮑魚肉質結實、味鮮、好正，全部 sashimi / 海鮮 要嚟撈飯食，眨吓眼就食晒😆$98「倍化帶子吞海膽 Double Scallop & Sea Urchin」：帶子好厚肉，用切雙飛嘅方法片開，中間放入海膽，所以個名就叫做「帶子”吞”海膽」🤩；帶子 同 海膽 都新鮮，幾好味😋