麵家山下 (已搬遷) 新店位置

星期六陪阿女打完劍，阿女話好掛住上水呢間小店既章魚燒，7pm到左，店內只有20多個坐位，好彩仲有位唔駛等，等食物既時候大約半個鐘，食完8點多少少，發現店外已經排長龍，原來唔可以太晏黎食！章魚燒 $28 - 有6粒，粒粒都大大粒，熱辣辣，外脆內軟，有日式沙律cream 再加燒汁，最正係勁多木魚絲，更加野味！拉麵DX $80 - 份量算多，湯底聲稱無味精（食落到似無），湯底正正常常，無太特別，拉麵都可以既，但兩隻味附雞蛋十分好味，係流心又有蛋香味！