好燒式串燒專門店 (富祐閣)

營業中

休息中

之前試過旺角同太子既好燒式已經覺得好好食，前兩日發現原來元朗都有間分店，地點都幾方便，係又新街附近，環境乾淨，就算係開放式廚房都唔會好大油煙味。店員好好service，好細心，仲同我地介紹有咩好食推介。鱈魚乾份量都幾多，配芥末醬，辣辣地幾開胃。辣酒煮花甲係店員推介，好出色，花甲啲肉好大隻，好鮮甜，又唔會太辣。我地叫左牛脷、墨丸、豬頸肉。鹽燒白鱔，皮脆肉滑 $49 價錢好抵食，韮菜切開一半上碟，唔洗串起黎食，好方便。原條蒜蓉燒茄子燒到岩岩好，店員仲比左個夾我地，方便我地夾黎食。頂級安格斯牛小排，我地叫左5成熟，肉質好嫩，配埋黃芥辣，好好食。