影片
更多
2022-12-07
56 瀏覽
年底朋友要清假，佢建議去山頂⛰️行吓順便食餐飯，佢話原來佢自己未坐過新纜車上山頂，要試吓，咁就搵咗我一齊陪佢，於是我都趁機會清下假。喺山頂行咗個圈，差不多4公里，跟住喺山頂廣場搵嘢食，見到呢間，就決定入去食午餐。我哋叫咗個$388嘅二人套餐，包咗都幾多嘢食。🦢醬皇燒鵝例牌燒鵝皮脆脆哋，仲好好彩有半隻燒鵝髀，燒鵝肉味道濃郁。🐖單拼燒味例牌揀咗燒腩仔，燒腩仔嘅豬皮燒到脆卜卜，腩肉半肥瘦，好甘香，再沾黃芥辣一齊食，好惹味。🥬效外油菜係菜心，全走，簡單好食。🍲自選燉湯x2陳皮綠豆鱆魚蓮藕湯熱辣辣，深啡色，非常濃郁，絕對係老火湯，夠晒火候，依家冬天飲，飲完全身感到暖笠笠。🍚絲苗白飯x2二人套餐食到我哋兩個非常飽飽，咁朋友建議再行多一個圈，呢日真係有充足嘅運動🏃♀️啦～
喺山頂行咗個圈，差不多4公里，跟住喺山頂廣場搵嘢食，見到呢間，就決定入去食午餐。我哋叫咗個$388嘅二人套餐，包咗都幾多嘢食。
🦢醬皇燒鵝例牌
燒鵝皮脆脆哋，仲好好彩有半隻燒鵝髀，燒鵝肉味道濃郁。
🐖單拼燒味例牌
揀咗燒腩仔，燒腩仔嘅豬皮燒到脆卜卜，腩肉半肥瘦，好甘香，再沾黃芥辣一齊食，好惹味。
🥬效外油菜
係菜心，全走，簡單好食。
🍲自選燉湯x2
陳皮綠豆鱆魚蓮藕湯
熱辣辣，深啡色，非常濃郁，絕對係老火湯，夠晒火候，依家冬天飲，飲完全身感到暖笠笠。
🍚絲苗白飯x2二人套餐食到我哋兩個非常飽飽，咁朋友建議再行多一個圈，呢日真係有充足嘅運動🏃♀️啦～
張貼
