影片
更多
2015-08-01
567 瀏覽
首先呢度煮嘢味道係ok嘅！話哂米芝蓮！所以來一試。。。但想大家有經驗的人睇下碟龍蝦究竟看似幾重！？我地今晚一行十一人，買左幾款海鮮俾佢地煮，然後喺佢地度叫左隻最大隻的龍蝦，係有三斤二両！22蚊一両，連加一大約要1200元！！！無錯，整出來就係上面張相！大家數下有幾多舊龍蝦肉？係七舊肉！七舊！伊面就成座山咁高！！平時食個例牌都有七舊啦！仲要啲手腳係好明顯係普通一斤幾左右的龍蝦手腳一樣，唔好以為我未食過龍蝦先得架！！當我地搵人問下嘅時候，有一個阿姐過來極不好態度地同我地爭論，堅持話係原隻上！講真，原隻點會得七舊肉丫，三斤幾喎，偷料都唔好咁過份丫！之後我地話口同鼻拗，我地照食，不過會影相放上網俾朋友睇下，之後嗰位阿姐就大叫 "你收聲!!!!!!!!!!!"無錯，係全記的一個大姐向我地，即係對住客人大叫"你收聲"!!!!!!!! 之後發脾氣攞走碟龍蝦，一路攞一路鬧！！！我真係第一次見識！！！另外，我地買五隻大蟹俾佢煮，出來只得三個蟹蓋同一啲濕濕碎的手手腳腳，真係好過份！之後佢地竟然解釋其他兩個蓋炒碎哂！！！😂😂😂😂😂不如你話佢兩隻嘢骨質疏鬆啦。。。另外三個原整蓋又無事。。。最後我只想說，呢間嘢
首先呢度煮嘢味道係ok嘅！話哂米芝蓮！所以來一試。。。
但想大家有經驗的人睇下碟龍蝦究竟看似幾重！？
我地今晚一行十一人，買左幾款海鮮俾佢地煮，然後喺佢地度叫左隻最大隻的龍蝦，係有三斤二両！22蚊一両，連加一大約要1200元！！！無錯，整出來就係上面張相！大家數下有幾多舊龍蝦肉？係七舊肉！七舊！伊面就成座山咁高！！平時食個例牌都有七舊啦！仲要啲手腳係好明顯係普通一斤幾左右的龍蝦手腳一樣，唔好以為我未食過龍蝦先得架！！
當我地搵人問下嘅時候，有一個阿姐過來極不好態度地同我地爭論，堅持話係原隻上！講真，原隻點會得七舊肉丫，三斤幾喎，偷料都唔好咁過份丫！之後我地話口同鼻拗，我地照食，不過會影相放上網俾朋友睇下，之後嗰位阿姐就大叫 "你收聲!!!!!!!!!!!"無錯，係全記的一個大姐向我地，即係對住客人大叫"你收聲"!!!!!!!! 之後發脾氣攞走碟龍蝦，一路攞一路鬧！！！我真係第一次見識！！！
另外，我地買五隻大蟹俾佢煮，出來只得三個蟹蓋同一啲濕濕碎的手手腳腳，真係好過份！之後佢地竟然解釋其他兩個蓋炒碎哂！！！😂😂😂😂😂不如你話佢兩隻嘢骨質疏鬆啦。。。另外三個原整蓋又無事。。。
最後我只想說，呢間嘢，味道，環境都幾好，但，就係好不老實同埋不知所謂的態度，老闆就不等於可以叫客人收聲的！！！
米芝蓮？！各位自行判斷！！！或者大家對米芝蓮都要重新評估。。。
張貼
