孖寶去骨海南雞 (Go Go Mall)

營業中

休息中

今晚又嚟試下孖寶去骨海南雞餐廳。平時淨係嗌開佢啲海南雞飯食，今日就轉下口味，試下佢嘅五香牛肉肉燥飯。外賣送餐速度同平時一樣咁準時，返嚟到嘅時候都仲係暖嘅，唔會變咗食冷飯。不過佢個盒飯嘅飯量其實齋睇落去都覺得比較細，一個正常男人晚飯嚟講可能會唔夠食，雖然個飯先49蚊唔算貴，但係呢點應該值得改善下。但係盒飯嘅味道就有水準嘅，牛肉夠淋夠容易咬，啲肉燥都唔會話太咸，味道啱啱好，撈埋落啲飯度一齊食簡直食唔停口，而且仲有個湯送，邊食邊飲唔會太口乾。