墾丁茶房 (已結業)

星期日下午時份, 算多人食, 要拎飛等位。入坐後叫左兩個餐, 不過當日送食物時間較耐, 可能唔夠員工。兩個餐分別係鹵水拼盤鹵肉飯餐, 及風沙脆雞鹵肉飯餐, 鹵水拼盤有蘿蔔, 豬耳, 鴨胸,雞翼,加埋個鹵肉飯, 食物好入味, 正； 但個風沙脆雞唔夠脆, 如果炸耐點會好好多, 但味道好味的；有免費飲品或加錢飲特飲, 我哋叫左一杯免費的熱柚子蜜同加錢的爆珠柚子綠茶, 兩杯都好飲。價錢合理, 仲做緊價惠, 食滿$100有9折, 唔錯, 可以再去。