泰妹餐廳 (The Wave) (已結業)

嚟到尖沙咀，行到厚福街，朋友就介紹嚟呢間居酒屋。嘢食選擇都幾多，從刺身、串燒、丼飯、烏冬都有。雞串燒都有好多款：我個人鐘意食內臟，所以點咗幾款內臟。雞心，雞肝，雞軟骨。自家製雞肉棒都幾推介！串燒味道惹味香口，但又唔會太鹹或者過火。內臟都處理都好好，唔會有騷味。墨汁炒烏冬：墨汁意粉食得多，炒烏冬真係無食過。墨汁濃郁，配烏冬都好夾。烏冬口感都幾好，滑嫩得嚟又幾彈牙。唔會過淋。環境幾舒服同溫馨，食物精緻，質素唔錯。