影片
更多
2025-01-23
0 瀏覽
上次地膽朋友帶左車車嚟食鐵板燒覺得幾正, 所以今次就輪到車車帶朋友仔嚟試下! ?今次我地都係點左二人前晚市套餐, 真係好抵食, 今晚有白金錭、南非生蠔、藍龍蝦同鵝肝, 當晚都食到車車同朋友都飽住咁走!!✨️黑醋汁漣戶巴馬火腿卷沙律入面有巴馬火腿、漣戶、海葡萄、漣戶, 食落清新帶點鹹香,加埋清酸酸甜甜嘅黑醋汁, 相當開胃✨️法式日本甜蝦配蕃茄湯甜蝦賣相精緻, 用左蕃茄清湯作調味, 飲落去酸酸甜甜, 鮮味又開胃✨️季節燒魚白甘鯛立鱗燒: 外層嘅魚鱗炸得超級香脆, 肉彈質牙, 多汁鮮味, 配上鮮甜嘅周打蜆湯, 食落帶有咸鮮味✨️龍蝦呢款令車車心心唸唸嘅法國藍龍蝦, 龍蝦大大隻, 煎香後加入法式蝦湯同大閘蟹蟹皇醬汁作配搭, 食落鮮甜彈牙, 加埋啖啖蟹肉, 口感超豐富, 先感受到海水咸味，再食到蟹嘅鮮甜味, 滋味十足✨️南非鮑魚配昆布汁及鮑魚肝醬鮑魚肉質爽彈, 配上昆布汁, 味道深厚又唔會喧賓奪主, 沾埋最喜愛嘅鮑魚肝汁, 食落更滿足, 好味到連隻碟都想賴埋✨️北海道帆立貝師父用左烏魚籽去包住帆立貝, 底部鋪左枝豆薯蓉汁, 食落去清新不膩, 肉質鮮甜味美, 上面再加咗紫蘇花同炸過嘅巴馬火腿碎, 層次感好豐富
✨️黑醋汁漣戶巴馬火腿卷沙律
入面有巴馬火腿、漣戶、海葡萄、漣戶, 食落清新帶點鹹香,加埋清酸酸甜甜嘅黑醋汁, 相當開胃
✨️法式日本甜蝦配蕃茄湯
甜蝦賣相精緻, 用左蕃茄清湯作調味, 飲落去酸酸甜甜, 鮮味又開胃
✨️季節燒魚
白甘鯛立鱗燒: 外層嘅魚鱗炸得超級香脆, 肉彈質牙, 多汁鮮味, 配上鮮甜嘅周打蜆湯, 食落帶有咸鮮味
✨️龍蝦
呢款令車車心心唸唸嘅法國藍龍蝦, 龍蝦大大隻, 煎香後加入法式蝦湯同大閘蟹蟹皇醬汁作配搭, 食落鮮甜彈牙, 加埋啖啖蟹肉, 口感超豐富, 先感受到海水咸味，再食到蟹嘅鮮甜味, 滋味十足
✨️南非鮑魚配昆布汁及鮑魚肝醬
鮑魚肉質爽彈, 配上昆布汁, 味道深厚又唔會喧賓奪主, 沾埋最喜愛嘅鮑魚肝汁, 食落更滿足, 好味到連隻碟都想賴埋
✨️北海道帆立貝
師父用左烏魚籽去包住帆立貝, 底部鋪左枝豆薯蓉汁, 食落去清新不膩, 肉質鮮甜味美, 上面再加咗紫蘇花同炸過嘅巴馬火腿碎, 層次感好豐富
✨️冰菜配日本白粟米
作為間場嘅一道菜式, 口感清爽嘅冰菜同超甜嘅日本粟米令整個味蕾refresh哂又開胃左
✨️黑毛豬肉厚燒
西班牙伊比利亞黑毛豬煮至7～8成熟, 裡面肉質粉嫩彈牙, 配上特製嘅肉桂蘋果汁, 鮮味又解膩
⭐鵝肝
鵝肝入口即溶, 口感柔棉細膩, 配上自家製紅酒蘋果醬清新解膩,
✨️龍蝦膏櫻花蝦炒飯
用左櫻花蝦干、日本煙肉、龍蝦膏同蘭王蛋去炒所以蛋味香濃, 加上其他食材令整個炒飯味道再昇華
✨️時令湯
鱲魚湯用左鱲魚熬製, 奶白色嘅湯頭飲落去一d都唔腥, 超解甜
✨️甜品
今晚嘅甜品係雪糕, 我地就揀左豆腐同芝麻雪糕, 為豐富嘅晚餐畫上完美句號
張貼
