越好

營業中

休息中

今日去咗我平時都會去開嘅飯堂，發現之前越南餐廳個位開左另一間越南餐廳喎，所以諗住去試一試。今日叫咗個生牛肉牛腩湯河，成碗野都好足料，啲牛肉食落都好爽口，唔會話好腍或者好嚡。九層塔嘅味道都好fresh，河粉亦都好彈牙。旁邊仲有生牛肉係到添，上碟係半生半熟咁，交足功課，一次過食到兩款牛肉，非常正。整體黎講係好食嘅，同埋都算大份好飽肚。