金牌冰室 (已結業)

我第一次為間餐廳寫食評，因為今時今日有咁有心嘅茶記真係好少見。本來係為咗等接小朋友放學入嚟坐，不抱期望，尤其銅鑼灣呢啲旺區，通常都好一般。意外地，員工有禮貌，環境又乾淨，食物仲要好味😋個叉燒通雖然係配早餐，估唔到都俾半肥瘦叉，多士又高質，唔係嗰啲柴皮隔夜麵包，我地帶住小朋友黎，小朋友食得慢都唔會好似其他茶記咁黑面，枱面仲好細心咁放包紙巾。而且我地一家三口去左幾次，服務同食物同環境質素都维持到，強烈推薦！