御品千の味刺身壽司專門店 (海寶花園) (已結業)

自從冇得去元氣壽司之後，已經好耐冇食壽司啦。上網睇呢一間壽司店抵食，即使要揸車入大埔我都專登嚟試吓。迷你角切魚生飯刺身壽司餐（$98），雖然話係迷你魚生飯，不過份量都唔少，配埋刺身、沙律、同埋壽司，食到好飽。刺身同壽司郎好新鮮，角切魚生唔係比啲頭頭尾尾喎，係真係啖啖肉嘅魚生，好驚喜呀！迷你吞拿魚蓉丼刺身壽司飯($128)，吞拿魚茸好肥美，脂肪感好厚，磨茸之後更加入口即溶，加埋蔥絲好清新，食完都唔會有好濟嘅感覺。