影片
更多
2013-08-06
268 瀏覽
有個fd話想試吓權發既黃金蝦，咁就由我哩條地頭蟲做coordinator，約埋一大班人齊齊食啦！「沙拉骨」：佢係沙律醬連埋D炸排骨一齊炒，所以每舊都沾滿沙律醬。D肉夠淋，亦好入味，應該炸之前用香料醃過，夾埋沙律醬食，一流！「蒜蓉粉絲蒸蟶子」：好鮮甜，亦無蒸到過老，唔會話咬唔開，麻麻地海鮮既我都覺得好味！「豆豉鯪魚炒油墨菜」：第一次食咁既炒菜，原來好match，油墨菜好爽甜，無咩渣，不過我好怕食豆豉，所以食左唔多。「黃金蝦球」：哩個簡直無敵，大蝦好彈牙，加埋D咸蛋黃去炒，鑊氣十足，正！（不過注意，佢係黃金蝦「球」，唔好叫錯黃金蝦「碌」，「碌」係連殼炒，鐘意啖啖肉既我就係之前中過招喇=-=）「魚香茄子煲」：上檯時仲滾緊架，茄子夠淋，汁夠杰，送飯一流！「醉香雞煲」：送黎時係一碟生既雞肉伴一盤湯，個湯好大陣藥材味，我就麻麻，所以一舊都無食到，但D fd就食到lam lam脷！成餐飯每人大約$130，又雞又蟶子又蝦，仲唔係抵到爛
「沙拉骨」：佢係沙律醬連埋D炸排骨一齊炒，所以每舊都沾滿沙律醬。D肉夠淋，亦好入味，應該炸之前用香料醃過，夾埋沙律醬食，一流！
「蒜蓉粉絲蒸蟶子」：好鮮甜，亦無蒸到過老，唔會話咬唔開，麻麻地海鮮既我都覺得好味！
「豆豉鯪魚炒油墨菜」：第一次食咁既炒菜，原來好match，油墨菜好爽甜，無咩渣，不過我好怕食豆豉，所以食左唔多。
「黃金蝦球」：哩個簡直無敵，大蝦好彈牙，加埋D咸蛋黃去炒，鑊氣十足，正！（不過注意，佢係黃金蝦「球」，唔好叫錯黃金蝦「碌」，「碌」係連殼炒，鐘意啖啖肉既我就係之前中過招喇=-=）
「魚香茄子煲」：上檯時仲滾緊架，茄子夠淋，汁夠杰，送飯一流！
「醉香雞煲」：送黎時係一碟生既雞肉伴一盤湯，個湯好大陣藥材味，我就麻麻，所以一舊都無食到，但D fd就食到lam lam脷！成餐飯每人大約$130，又雞又蟶子又蝦，仲唔係抵到爛
張貼
