樂園魚蛋粉

營業中

休息中

尖沙咀向來食嘢都唔平，因為係遊客區，食親都要$60-$70，今次同朋友食呢間地道又平嘅魚蛋粉，全日都係$29 ，真係良心價。下午茶時間都咁多人食。佢哋嘅菜式選擇都幾多，飯裏都有白款，最特別係魚蛋粉竟然有海南雞飯，梗係要試吓佢嘅海南雞嘅質素，另外再叫多咗個崩沙腩飯試吓。但係因為疫情關係，我哋選擇咗外賣返屋企食。佢一個set有飯、有紫菜湯仲有一杯嘢飲，都係$50左右，好抵食。仲要佢嘅份量都唔少。啲海南雞飯新鮮拆肉，入口軟綿綿，配埋海南雞醬食一流，啲雞肉好嫩滑，啲飯加埋雞油一齊食好正。崩沙腩半肥瘦，好香濃，啲牛腩整得好淋，一絲絲咁咬開，蘿蔔冇渣，好好食！