越南麵包

營業中

休息中

幫襯過就時常心思思想繼續幫襯。首先講佢最出色嘅蟹肉蝦湯檬粉，湯底濃郁聽個名都知好食！跟住佢個慢煮蕃茄牛肋肉非常軟琳10分入味 😋 平時我仲好鍾意叫飯食因為我係飯桶 😅 最鍾意食嘅係香茅牛肉或者雞肉 (睇心情而定)，加扎肉多蔥油。識食一定係咁食！越式滴漏咖啡好正宗好香、iced latte 都唔錯。另外一定要推介佢個牛油雞翼 ☝🏻 好多越南餐廳都有但係呢間特別好食！外邊牛油皮非常入味、裏面嘅雞翼食到酒香。仲有普通到不得了嘅越南春卷，一定要叫嚟試吓、因為真正越南入口細細條非常好味！最後，如果鍾意食咖喱嘅人都要試吓佢嘅咖喱牛肉法包🥖⋯⋯ 佢啲咖喱超級野味不過都幾辣🔥 食得辣嘅朋友先好叫。