影片
更多
2021-02-14
888 瀏覽
情人節又遇著年初三有假放，要諗埋午餐去同女朋友食咩。記得有同事介紹過呢間漢堡包店係香港數一數二好食，於是決定同女朋友嚟食返個情人節午餐。我地叫咗兩個餐，我就梗係叫個招牌菜signature double cheese burger；女朋友就要mushroom cheese burger，兩個包都份量十足。我嗰個包嘅配料洋蔥同番茄都新鮮多汁爽脆，而牛肉都好多肉汁，反而我自己覺得可以唔使好多芝士，但當然鍾意芝士嘅朋友們可以更加enjoy啦！個蘑菇包嘅蘑菇都好似個漢堡扒咁整成一個餅狀，但食落就完全唔膩。跟餐雖然有跟薯條同飲品，但既然情人節慶祝梗要side back多份兩份小食：蒜香雞翼同埋美式炸雞。雞翼嘅辣醬有啲甜甜地，應該係泰式辣醬，個皮都炸得幾香。個炸雞係有啲似嗰啲雞寶/雞粒，有車打芝士醬點，都幾惹味。講返佢跟餐嘅薯條，我地其中一份叫咗黑松露薯條，一份原味。黑松露嘅醬份量好夠，可以話係重口味嘅黑松露。食完飲煎炸嘢，飲返啖汽水真係好正架。但係齋飲汽水係唔能夠滿足貪婪嘅我。加返個雪糕做黑牛就差唔多。呢度嘅黑牛雖然唔係用我鍾意嘅朱古力雪糕而係用雲呢拿，但佢又係份量好多，而且佢係落咗雪糕先畀汽水
我地叫咗兩個餐，我就梗係叫個招牌菜signature double cheese burger；女朋友就要mushroom cheese burger，兩個包都份量十足。我嗰個包嘅配料洋蔥同番茄都新鮮多汁爽脆，而牛肉都好多肉汁，反而我自己覺得可以唔使好多芝士，但當然鍾意芝士嘅朋友們可以更加enjoy啦！個蘑菇包嘅蘑菇都好似個漢堡扒咁整成一個餅狀，但食落就完全唔膩。
跟餐雖然有跟薯條同飲品，但既然情人節慶祝梗要side back多份兩份小食：蒜香雞翼同埋美式炸雞。雞翼嘅辣醬有啲甜甜地，應該係泰式辣醬，個皮都炸得幾香。個炸雞係有啲似嗰啲雞寶/雞粒，有車打芝士醬點，都幾惹味。
講返佢跟餐嘅薯條，我地其中一份叫咗黑松露薯條，一份原味。黑松露嘅醬份量好夠，可以話係重口味嘅黑松露。食完飲煎炸嘢，飲返啖汽水真係好正架。
但係齋飲汽水係唔能夠滿足貪婪嘅我。加返個雪糕做黑牛就差唔多。呢度嘅黑牛雖然唔係用我鍾意嘅朱古力雪糕而係用雲呢拿，但佢又係份量好多，而且佢係落咗雪糕先畀汽水你加，變咗雪糕嘅奶香同雲呢那香都好佔好重味，即係變咗以前好興嘅雲呢那味可樂。我自己雖然偏愛可樂味重啲，但試下呢個都幾特別。
而女朋友嗰杯係曲奇奶昔（其實係oreo），都好香滑，愛甜一族可以試下。
張貼
