星洲名廚 (已結業)

前排有一晚放工之後去咗位於土瓜灣北帝街嘅星洲名廚食晚飯。叫咗一份咖喱豬扒餐，跟餐會有一碗例湯及一杯嘢飲，我就揀咗熱咖啡。豬扒好厚切，外面炸得香脆，入邊肉質嫩滑肉汁豐富 juicy，咖喱本身加左少少比較有特色嘅香料，令咖喱食落輕輕帶少少苦味，都幾特別，我自己就好鍾意。個例湯亦都好好味。咖啡係新加坡嘅白咖啡，白咖啡苦澀味比一般嘅咖啡輕。這杯白咖啡都幾濃郁，我就覺得幾好飲。雖然呢個餐要$60，不過我就好鍾意呢度嘅食物同咖啡嘅味道，尤其係豬扒，真係烹調得好好。所以我會再嚟幫襯。