豬隊友

營業中

休息中

行過尖沙咀，口痕痕，經過K11後面嘅加拿芬道，原來已經變咗半條食街，有好多唔同嘅小店。其中見到呢一間應該係新開嘅小食店，有雞蛋仔、格仔餅同炸物。個店名幾得意，我自己都係肥仔一名，好有共鳴感，所以試吓。炸物有雞髀、魚蛋、燒賣等等。我好少食炸嘅燒賣，所以試吓。我唔食辣，揀咗椒鹽味，取代咗一般食燒賣嘅豉油，幾得意。新鮮炸起，外脆內軟，正！雞蛋仔都有好多唔同味道嘅選擇，我揀咗比較特別嘅「法式檸檬芝士」味。雞蛋味配上清新嘅檸檬味，好食。下次經過附近，都會再試。