影片
更多
2021-05-08
160 瀏覽
成日去旺中都見到好多人排隊買Nuttea，但因為我好懶唔想排隊，所以次次都係經過望兩眼就走咗。前兩日去咗Megabox嗰邊，見到附近有nuttea又唔使點排隊，即刻同家姐一人買咗一杯嚟飲！🍓粉紅莓好堅果奶蓋茶因為最近家姐減緊肥，所以佢嗌咗走甜。店員同我地講走甜嘅話味道會偏酸，我飲咗奶蓋下面啲沙冰幾啖，味道真係偏酸， 不過果香味好重。雖然走甜係健康啲，但對唔太飲得酸嘢嘅我嚟講真係好酸，我都係鍾意飲落甜甜地嘅飲品！不過因為家姐好鍾意酸嘢，所以佢就話杯茶酸度啱啱好，佢勁鍾意！飲咗一半之後我就建議家姐將奶蓋同沙冰撈埋一齊。撈埋一齊之後我覺得好飲好多，除咗飲落冇咁酸之餘，仲可以同一時間飲到士多啤梨果香味同奶蓋嘅奶香味&堅果味！🍫伯爵朱古力堅果奶蓋茶店員建議我地嗌微糖少冰，但我地最後嗌咗微糖常溫。店員喺奶蓋上面灑左勁多朱古力粉，超吸引！飲第一啖奶蓋嘅時候真係覺得好特別，因為以前飲開嘅奶蓋都係得奶味同埋芝士味，但今次呢杯飲品嘅奶蓋有埋堅果味！本身有啲擔心堅果味太重，但飲落發現堅果同奶蓋嘅味好match，味道好均勻。茶底係伯爵茶，飲落好清新。將奶蓋同伯爵茶撈埋就好似朱古力奶咁，我覺得撈埋飲好味過分開飲
🍓粉紅莓好堅果奶蓋茶
因為最近家姐減緊肥，所以佢嗌咗走甜。店員同我地講走甜嘅話味道會偏酸，我飲咗奶蓋下面啲沙冰幾啖，味道真係偏酸， 不過果香味好重。雖然走甜係健康啲，但對唔太飲得酸嘢嘅我嚟講真係好酸，我都係鍾意飲落甜甜地嘅飲品！不過因為家姐好鍾意酸嘢，所以佢就話杯茶酸度啱啱好，佢勁鍾意！飲咗一半之後我就建議家姐將奶蓋同沙冰撈埋一齊。撈埋一齊之後我覺得好飲好多，除咗飲落冇咁酸之餘，仲可以同一時間飲到士多啤梨果香味同奶蓋嘅奶香味&堅果味！
🍫伯爵朱古力堅果奶蓋茶
店員建議我地嗌微糖少冰，但我地最後嗌咗微糖常溫。店員喺奶蓋上面灑左勁多朱古力粉，超吸引！飲第一啖奶蓋嘅時候真係覺得好特別，因為以前飲開嘅奶蓋都係得奶味同埋芝士味，但今次呢杯飲品嘅奶蓋有埋堅果味！本身有啲擔心堅果味太重，但飲落發現堅果同奶蓋嘅味好match，味道好均勻。茶底係伯爵茶，飲落好清新。將奶蓋同伯爵茶撈埋就好似朱古力奶咁，我覺得撈埋飲好味過分開飲！
張貼
