元気寿司

營業中

休息中

心血來潮想食壽司，而附近就得間元氣，諗住星期日好多人都要等下位啦，點知唔使等直接就可以入去喇。今期限定佢哋有脆蒜帆立貝壽司，牛油味噌燒大切三文魚，仲有極上海鮮三點有赤海蝦特大松葉蟹棒同埋北寄貝添，都只係38蚊咋喎，咁我梗係要試下啲限定嘢啦。除咗呢幾樣之外嚟到元氣必點嘅梗係有蒸蛋啦，炙燒脆蒜赤海蝦壽司，炙燒牛油赤海蝦壽司。咁食完凍嘢咁就梗係食下啲熱嘢啦，呢度我最欣賞嘅熟食就有燒三文魚鮫，炸雞翼，同埋牛肉湯烏冬。咁食完煮食就咁係要叫返個甜品，佢哋呢期有個限定crossover海賊王嘅shake shake檸檬梳打味雪糕，混合咗可樂味同埋檸檬味嘅爆炸糖落去shake，食落又幾過引喎。總括嚟講呢餐呢都做到元氣嘅水準嘅不過不實驚喜就冇特別大㗎喇但係性在夠方便性價比嚟講都唔算太低。