嚐中菜坊 (已結業)

呢日約左班舊同事飯聚，本身諗住book 海港城既一間中菜館，但我地太遲book, 最後搵到呢間係尖東廣場附近既嚐中菜坊。餐廳係尖東站P出口永安附近，行一分鐘到就到，好就腳。我地一行7人, 圓枱幾鬆動。我地冇叫到套餐，散叫。叉燒，半肥瘦好好食，鐵板上但冇想像中咁熱。炒牛柳粒，牛柳粒有D咬口，蜜豆都好好食。炸豆腐，炸粉薄，唔易散，但調味差少少，要點喼汁先有味。野菌伊麵，炒得入味唔算太油，份量夠大。栗米羹，幾好飲，多人尼叫一煲抵飲。生炒骨，汁唔太酸都幾好。整體食物都幾好味，可惜環境都幾嘈，講野要講好大聲先聽到。