德國餐廳 (已搬遷) 新店位置

今日元宵節，約左女朋友過第一個中國情人節食徳國菜。環境氣氛都唔錯，我哋約咗九點鐘但係早到咗，侍應都俾我哋早入唔使等位。嘢食嘅款式都幾多，我哋叫咗一個德國鹹豬手，一個芝士薯條同埋一個腸仔拼盆。佢啲豬手個賣相都唔差，好入味，不過我同女朋友都食得唔多，所以都剩返好多。腸仔拼盤嘅份量唔算太大，不過個份量啱啱好兩個人食，入邊有三款腸仔，個人比較喜歡食芝士腸。最後呢樣最好食，因為我好鍾意食芝士，就係芝士焗薯條。上菜時熱辣辣，啲芝士仲可以拉絲，好好食。最後一人叫咗杯野飲，叫咗杯hoegaarden同橙汁一杯。