Plato (已搬遷) 新店位置

今天和朋友喺油麻地行完街，之後想搵個地方食西餐，但係喺油麻地有水準嘅西餐廳唔多， 好彩行行吓畀我見到喺中華書局後面有一間， 門口有個大郵筒，好搶眼，就和朋友入內食晚餐。餐廳面積不算大，幸好有大落地玻璃窗，擴闊視野空間，令餐廳感覺寬敞 。侍應送上餐牌，因為行完街好肚餓，我哋各自要了一個晚餐，因為想健康啲，所以加多一個炒蘑菇。我要嘅係德國脆皮咸豬手餐，而朋友就要咗 美國安格斯西冷牛扒餐。法式龍蝦湯龍蝦味香濃，湯不太稠，加上忌廉更香滑。德國脆皮咸豬手做法頗正宗，豬手好入味，肉質嫩滑，外皮焗得很香脆，有點似食乳猪皮，無論沾芥茉醬或燒汁，都可以食到豬肉香味。最貼心的是上桌前已代切好，免却客人麻煩，值得俾個 “like" 佢。美國安格斯西冷牛扒配牛油焗薯仔粒、西蘭花和沙律菜，牛扒鮮嫩有牛味， 估唔到嘅係連薯仔都焗得好好味。蒜蓉炒雜菌雜菌份量頗多，充滿香蒜牛油味， 加上黑椒粒，更加惹味。晚餐包括$28以下的飲品，我們選擇了檸檬生薑茶，濃郁的薑味加上淡淡檸檬香，暖胃又順喉。