吉祥冰室 (已結業)

茶餐廳係香港人嘅comfort food，今次嚟到呢間冰室唔止食物質素好，仲有啲特別打卡位！餐廳位於元朗朗屏站附近，鋪面乾淨光猛，除咗平常既卡位竟然有張靚靚高椅對住窗邊嘅吧枱位，為舖頭加咗啲新意！餐牌有齊小菜炒麵飯同小食，價錢相宜避風塘豬扒炒出前一丁餐牌見到幾款避風塘系列即刻吸引住😍一開蓋見到滿滿炸蒜，香味十足！出前一丁炒得乾身香口，配買蔥同芽菜好惹味。豬扒份量多，煎香得來肉質唔怕鞋，亦切成一件件容易咬！魚香茄子飯茄子切成條狀，唔會煮到爛蓉蓉，份量仲好多，夠撈哂成兜飯！除咗豬肉粒仲有少少鹹魚味，好香口！炒粉麵跟埋例湯，瓜同蘿蔔好足料，飲完亦唔怕口渴。順帶一提紅豆冰都好足料，好飲！