影片
更多
2022-07-31
76 瀏覽
元朗有好多出名食店，喺元朗廣場隔離條街都有唔少，今次就試咗呢主打手打牛肉漢堡包嘅Hasam。店舖亦提供有鵝肝嘅漢堡包，不過我本身對鵝肝冇太大興趣🤡所以就冇試。店舖主打外賣生意，不過店內都有少量嘅座位提供堂食，如果唔係我約咗上其他朋友屋企，我都會選擇堂食🤔因為佢係全部都係即叫即做，當食可以食到食物啱啱出爐最好嘅味道，同時保留最好嘅賣相，唔似我外賣自取搞到有少少走型😖馬森至尊套餐 $95用得自己店舖做漢堡包名，就知係自信之作🙆餡料包括有煙肉、豚肉漢堡、牛肉漢堡、炒蛋、生菜、蕃茄、洋蔥絲。麵包皮厚身內裏鬆軟，帶有芝麻香，係我鍾意嘅種類😁將𣄃簽攞出嚟嘅時候，已經見到啲肉汁流出嚟😍豚肉漢堡同牛肉漢堡都係100%手打，豚肉漢堡口感特別，唔係平時食豬柳漢堡嘅口感，佢啖啖豬肉，保留肉汁唔乾身，好食👍牛肉漢堡就呢餐黎講最出色❤️厚厚既漢堡鎖住肉汁係裏面，每咬一啖都享受到牛肉既味道。炒蛋都出色，外表炒到定型，內裏仲保持嫩滑，保留蛋汁唔會完全乾身實的的😁其他配料作正常，蔬菜新鮮。雙魚漢堡套餐 $75有兩大塊炸脆魚柳，魚肉都好多，唔會淨係食到外面嘅炸粉，肉質嫩滑🥰漢堡仲配有生菜、蕃茄、洋蔥絲，同樣新鮮，生菜爽脆
馬森至尊套餐 $95
用得自己店舖做漢堡包名，就知係自信之作🙆餡料包括有煙肉、豚肉漢堡、牛肉漢堡、炒蛋、生菜、蕃茄、洋蔥絲。麵包皮厚身內裏鬆軟，帶有芝麻香，係我鍾意嘅種類😁將𣄃簽攞出嚟嘅時候，已經見到啲肉汁流出嚟😍豚肉漢堡同牛肉漢堡都係100%手打，豚肉漢堡口感特別，唔係平時食豬柳漢堡嘅口感，佢啖啖豬肉，保留肉汁唔乾身，好食👍牛肉漢堡就呢餐黎講最出色❤️厚厚既漢堡鎖住肉汁係裏面，每咬一啖都享受到牛肉既味道。炒蛋都出色，外表炒到定型，內裏仲保持嫩滑，保留蛋汁唔會完全乾身實的的😁其他配料作正常，蔬菜新鮮。
雙魚漢堡套餐 $75
有兩大塊炸脆魚柳，魚肉都好多，唔會淨係食到外面嘅炸粉，肉質嫩滑🥰漢堡仲配有生菜、蕃茄、洋蔥絲，同樣新鮮，生菜爽脆。醬汁偏酸微甜，十分開胃。
套餐配有薯條同魷魚蝦枝(+$5)，薯條係厚切波浪型薯條，正常外脆內軟，魷魚蝦枝係類似春卷皮包裹魷魚條同蝦條，都幾特別😮相信都係人手製，主要都係食蝦肉味，或者點佢薯條附送既蕃茄醬食都得👌
飲品揀咗可樂同白桃味冷泡茶(+$5)，可樂係窄高身罐裝，冷泡茶係淡味嘅綠茶，唔太甜，可以解膩。
店舖都好貼心提供咗手套🥰方便我哋食用嘅巨大漢堡包同食用小食，而且員工都好友善。
張貼
