一杯屋 (已結業)

以前有人跟我推薦過呢家日本餐廳，今日就同朋友專門嚟試下。因為我本人非常中意食豆腐，所以點咗胡麻豆腐蕃茄沙律和日式炸豆腐。沙律裡面嘅豆腐口感非常绵软嫩滑，醬汁有點像焙煎芝麻醬，還有胡麻籽嘅香味，再加上新鮮嘅蔬菜仲有酸甜嘅蕃茄，一層又一層嘅味道相互交錯，有酸有甜，有香有咸，碰撞出難以言明嘅好味道。日式炸豆腐亦都唔錯，表面金黃酥脆，內里卻嫩滑如初，兩種唔同層次嘅口感相輔相成，非常好味。我哋仲還點咗另一道小食炸日本池魚仔，池魚仔被炸得酥松香脆唔油膩，做下酒菜系一絕。美國牛小排肉質鮮嫩，高溫嘅炙烤鎖住咗肉汁，食完之後齿颊留香。最後系三個串燒，分別系五花腩車尼茄串，五花腩露筍串仲有雞橫膈膜肉串，味道非常地道，值得一試。