德記大排檔

營業中

休息中

今日搖擺天使梁安琪開完 Band Show 就拉大隊去左德記大排檔食飯慶功，順便慶祝萬聖節。今次叫左個4人餐。當中包括有: 生滾粥 點了皮蛋瘦肉粥，蒜蓉粉絲蒸茄子，炸乳鴿2只，粉絲花甲窩， 炸大條龍鯏魚，仲送左碟椒鹽豆腐。講番野食，乳鴿就當然一流，去火炭德記大排檔必吃。蒜蓉粉絲蒸茄子，蒜蓉粉絲超入味，茄子夠晒淋。粉絲花甲窩，好大窩，蜆大大只。 炸大條龍鯏，啖啖肉，魚皮炸到超級脆，好抵食。椒鹽豆腐夠野味。皮蛋瘦肉粥，粥煮到好綿，瘦肉好淋，因為平常去到都食雞粥，所以今次就試下其他粥，不過一樣咁好味。