Misocool (已結業)

尋日同同事經過赫然發現有一間分店開左係附近, 當然今日上去食啦!諗住無得book位就早d去, 點知12點幾去到都唔夠其他人早, 已經坐左大半了...好彩咁o岩窗口有3個位, 對住街外, 一坐低感覺好搞笑, 好似自成一角咁! 睇住個餐牌原來都幾多款揀, 佢唔算有set lunch, 只係一碗碗麵/飯加$20就變成餐, 多2個前菜 & 飲品如果唔要餐叫飲品都要$18一杯, 講真, 係局你叫餐架, 你唔叫餐咪飲水囉~可惜呀, 價錢都算ok貴...$50-70一碗麵/飯, 再加埋餐都$60-90, 太誇張了! 所以最終我都決定唔叫餐, 只叫一碗帶子拉麵豬骨湯底本來佢有地獄湯底, 經過查詢後聽聞都真係幾辣, 嗯, 下次先試~ 拎黎個陣見到個碗好得意, 高低邊既麵既份量唔多, 帶子既樣同menu都跟大家一樣係好唔同, 不過只係細粒左少少已經算係咁喇, 再講, menu張相有6粒帶子, 佢都一樣有6粒呀, ok啦! 帶子煮得略嫌有點老, 唔夠爽口, 不過有帶子味, 至少唔會雪得太勁吧豬骨湯底非常好味, 雖然feel到食完好口渴, 都肯定有味精架喇拉麵非常好味, 爽口都幾彈牙份量對1個女仔黎講係ok的