Mo Mo Kushiage (已結業)

老公最愛食日本料理，趁佢生日午餐帶佢黎食一餐有特色日式定食！呢間mo mo kushiage 主打日式串揚，姐係日式炸串，瞬間就令我諗起大阪嘅出名炸串！餐廳裝潢走日式淺木和風，都挺有居酒屋感覺。周末都有午市定食餐牌，另外餐廳主餐牌、刺身、黑板推介都做緊7折優惠最正係酒類飲品買一送一，唔同款都得，以貴果杯計！巨峰乳酸，酒精濃度較低，似提子味芬達。趁住7折優惠就叫左明太子，口感脆卜卜咸鮮味十足，做佐酒小食一流。芝麻雞翼 皮脆juicy, 好味！叫了兩份午市定食～串揚雞定食 （4串串揚雞胸、南瓜沙律、泡菜　、麵豉湯） 南瓜沙律嘅南瓜蓉非常順滑，另有蛋、花生增加口感。麵豉湯好多菇菌好足料！串揚雞分別有酸梅、明太子、芥末同芝士4種口味。炸串有甜辣味增醬、味增醬同自製紅酒酸汁3款醬汁供應，最解膩的當然沾紅酒酸汁啦！日本A4和牛西冷定食（半份）$298同樣有前菜、湯品及米飯A4和牛油脂感重，富牛油香，食落入口即溶，沾鹽食更添牛味。