Akoya

營業中

休息中

今次黎到呢個Akoya酒場，環境好日式，好有日式居酒屋既感覺，座位夠曬闊，岩曬一班朋友一齊慢慢食住傾計，真係好舒服企理。聽到酒場呢個名都知佢呢有各式各樣既酒賣，主要都係日本酒，清酒之類，但佐酒小食都一樣咁高質。沙律就正正常常，菜好新鮮，無乜汁，岩曬d注重健康既朋友。明太子蛋卷就好有特色，因為蛋卷夠曬厚身，而明太子又夠多，食落有多重口感，味道好正。海膽汁燒蠔，海膽汁好濃厚，賣相十分之吸引，生蠔都夠曬大隻，配埋黎食，味道好夾，果然夠出色。炭火串燒拼盤方面，有本人最愛既燒雞心，夠曬大粒，食落好彈口，真係佐酒小食入面既最正之選。另外，燒雞中翼同燒全翼都好正，燒到有少少焦，岩岩好火喉，食落好有炭香。最後個一夜干，好特別，夠曬咸香，燒得夠乾身，好惹味香口。