科記咖啡餐室

營業中

休息中

聽同事介紹，第一次去食。搬黎西營盤既正係多小店，行上荷李活道多gallery，感覺好舒服。當大家著靚靚咁黎各店朝聖，我就街坊訓醒look搵食，爽。店面乾淨。早上8點幾去食，感覺上去呢d咁出名既老店會態度好差，未成為老街坊既我第一次食真心唔知早餐有無得食豬扒果d就戰戰兢兢問下早餐有咩食（驚俾人好惡咁話），但個伯伯（睇食評話係家庭經營：咁應該係阿爸/唔知第幾代傳人）態度好好俾左個餐牌我睇，佢話十點後先有飯，建議我叫豬扒包。豬扒好香脆，有食評話好油我又唔覺wor，不過又可能跟飯先油都未定，份量都算大塊，大家樂早餐d豬扒三十幾蚊先細塊呢。包都好脆。但整體份量唔大，不過我食得姐，我食多半個都仲得，平日早上去既好係可以避開非街坊朝聖既人流。茶飲叫左茶檸茶，佢問我要唔要糖，我仲話我要熱，原來佢地會落埋糖落熱飲的。