辛安東元祖奶奶雞 (已結業)

星期日放假，同主子出巡，補祝娘娘大壽之喜。主子話想試下呢間傳聞已久的安東奶奶雞。當日下午4點打去訂檯，竟然仲有檯。7點準時去到，餐廳開始爆棚，好彩有訂位，一黎就有位坐。第一次黎，當然叫半隻招牌奶奶雞，再叫一客廚師推介嘅冷豚肉，同飲品。兩個人，試唔到太多。10分鐘都唔知有無，食物就到齊，正。奶奶雞果然係招牌菜，好好食。醬汁其實似韓式炸醬面嘅炸醬，雞件唔算多，不過兩個人夠食，用黎送白飯，連汁都撈埋。識食一定叫白飯。不好辣的可叫唔辣，我地食嘅就無辣。凍豚肉少少辣，幾惹味，又係必試之選。