18巷泰國餐廳 (已結業)

今晚嚟到呢間位於銅鑼灣世貿中心13樓嘅 18巷泰國餐廳 食晚飯餐廳裝修精美，甚具泰國風情。一坐低先嚟杯啤酒 SINGHA $48 同大家啤啤佢啤酒入口清新，麥味夠濃。飲啤酒梗係要叫啲香口嘢食嚟送酒18巷拼盤 $238拼盤包括有 春卷、蝦餅、魚餅、豬頸肉。春卷皮薄香脆，餡料有粉絲、蘿蔔絲和雲耳絲，口感細嫩又有點juicy。蝦餅口感鬆化，蝦味夠濃。魚餅口感彈牙，香茅味夠。豬頸肉煎得好香，好咬口。以上各種食物，點上由餐廳提供的醬料，就更加好味。跟住再嚟個燉花膠潤下喉泰式燉花膠 $398熱辣辣的沙煲一上枱十分吸睛，花膠大大塊，厚身得嚟色澤又夠鮮，入口相當滿足。配上芽菜、冬菇、蟹肉，再加上辣椒香醋，口味就更可口。泰式鮮蝦刺身 $148切成花形的鮮蝦刺身，賣相一流，刺身肉質新鮮又鮮甜，配上蒜粒一齊食辣辣地，又幾好味。辣酒茄汁蝦 $288茄汁蝦大大隻蝦膏又夠多，走油夠香，酸酸甜甜嘅醬汁再配上菠蘿、馬蹄、 腰果，味道濃得嚟又相當醒胃。泰東北風味牛肋骨和風鍋 $238牛肋骨的肉質夠腍又易咬口，湯底酸酸地得嚟又帶點冬陰功湯的味道，果然是泰東北加上和風味道。泰式燒牛扒 $198燒牛扒牛味夠濃，煎得好香口，加